If you have javascript turned off you may have problems accessing the (pulldown) menu on this site. If this is the case, you may access all the pages through the "Sitemap" which can be found on the top right of each single page. Thank you!
English
Français
Deutsch
Italiano



Info-Box

Google Ads may go here

Rooikappie 3

Flash is required!

Mamma roep vir Rooikappie en gee vir haar 'n mandjie.
Sy sê, "Rooikappie, in die mandjie is kos vir ouma. Sal jy asseblief die kos vir Ouma vat. En moenie met enige iemand in die bos praat nie, hoor."
Rooikappie belowe haar ma sy sal met niemand praat nie.
Sy groet haar ma en loop deur die bos.
In die bos sien Wolf vir Rooikappie en die mandjie.
Wolf vra vir Rooikappie, "Wat is in die mandjie?"
Rooikappie sê, "O, hallo Wolf, dit is kos vir ouma.
Wolf het 'n plan. Hy sê vir haar, "Rooikappie, loop langs die rivier. Dit is die beste pad."
Rooikappie dink dit is 'n goeie plan en sy loop langs die rivier, maar Wolf vat 'n kortpad na Ouma toe.
Toe Wolf by Ouma aankom, klop hy aan Ouma se deur.
Ouma dink natuurlik dit is Rooikappie en sy sê, "Kom binne, Rooikappie."
Wolf gaan binne, eet Ouma op, en trek gou-gou Ouma se slaapklere aan.
Wolf spring in Ouma se bed net toe Rooikappie aan die deur klop.
Wolf sê, "Kom binne, Rooikappie."
Rooikappie gaan binne en sy skrik toe sy haar ouma sien.
Rooikappie sê, "Hallo Ouma! ...maar Ouma, hoekom is Ouma se ore so groot?
Wolf sê, "Dis om jou beter te kan hoor my kind."
Rooikappie vra, "Maar Ouma, hoekom is Ouma se oë so groot?"
Wolf sê, "O my kind, dis om jou beter te kan sien."
Rooikappie vra, "Maar Ouma, hoekom is Ouma se neus so groot?"
Wolf sê, "Ag my kind, dis om jou beter te kan ruik."
Rooikappie vra, "Maar Ouma, hoekom is Ouma se mond so groot?"
Wolf sê, "Dis om jou beter te kan eet!" en Wolf spring uit die bed.
Rooikappie handloop uit die huis en so hard as wat sy kan roep sy, "Help, help!"
Pieter die boswagter hoor vir Rooikappie se uitroep.
Hy hardloop so vinnig as wat hy kan na haar toe.
Hy sien die wolf en weet Rooikappie is in gevaar.
Hy vang die wolf en Rooikappie skree, "Wolf het vir Ouma geëet!"
Pieter sny die wolf se maag oop. Hy haal vir Ouma uit en sit klippe in die wolf se maag.
Hy werk Wolf se maag toe en gooi hom in die rivier.
Rooikappie en Ouma is veilig en Rooikappie, Ouma en Pieter gee mekaar drukkies.
Fluit, fluit die storie is uit.

Dankie Marinda!

My sincere appreciation for this reading contribution by professional voice artist, Marinda Botha. Visit her on the Web at: Her Site, Her Facebook